Burro AI

Burro AI — o'zbek tilidagi matnni yosh bo'yicha baholaydigan platforma. Hujjatni yuklaysiz, tizim har bir so'zni tahlil qilib, matn qaysi yoshdagi bolaga tushunarli ekanini ko'rsatadi va qiyin so'zlarga soddaroq muqobil taklif qiladi. Ota-ona kitobning farzandiga mosligini tekshiradi, muallif va tarbiyachi esa matnni maqsadli yoshga moslashtiradi.

Qanday ishlaydi

• Matnni bering — PDF, DOCX yoki TXT fayl (20 MB gacha) yuklang, matnni to'g'ridan-to'g'ri yozing yoki qog'oz kitob sahifasini telefon kamerasida suratga oling.
• Yoshni belgilang — kerakli yosh guruhini tanlang yoki «Auto tanlash» ni qoldiring: tizim matnga mos yoshni o'zi aniqlaydi.
• Natijani o'qing — tushunarlilik foizi, tavsiya etilgan yosh va qiyin so'zlar soni bitta kartada chiqadi.
• Matnni moslashtiring — qiyin so'zni bosib, soddaroq muqobilni tanlaysiz. Almashtirish faqat siz tasdiqlaganda qo'llanadi.
• Yuklab oling — tayyor matnni Word yoki PDF ko'rinishida saqlang.

Yosh guruhlari

Tasnif yetti bosqichli va bog'cha dasturidan boshlang'ich sinflargacha qamrab oladi: 1+ (eng oddiy so'zlar), 2+, 3+, 4+, 5+ (maktabga tayyorlov), 7+ (1–2-sinf, mavhum tushunchalar) va 10–12 (3–4-sinf, ilmiy va falsafiy atamalar).

Ochiq lug'at

Ekspertlar tasdiqlagan so'zlar bolalar so'zlari lug'ati sifatida saytda ochiq turadi: har bir so'z qaysi yoshdan tushunarli, qaysi mavzuga oid va bola uni o'zi gapiradimi. Lug'atni yuklab olish ham mumkin — tadqiqotchilar va metodistlar undan mustaqil foydalana oladi.